მთავარირეგისტრაციაშესვლა Findout.Com
ოთხშაბათი, 22.11.2017, 23:00
შესვლის ფორმა
საიტის მენიუ

სექციის კატეგორიები
მოთხრობა
რელიგია
მატიანე
რომანი
ლექსი
პოემა
ესე

მინი-ჩეთი

ჩვენი გამოკითხვა
რომელი მწერალი მოგწონს?
სულ უპასუხა: 148

სტატისტიკა

სულ ონლაინში: 1
სტუმარი: 1
მომხმარებელი: 0

ძებნა

კალენდარი
«  აპრილი 2011  »
ორსამოთხხუთპარშაბკვ
    123
45678910
11121314151617
18192021222324
252627282930

ჩანაწერების არქივი

საიტის მეგობრები

მთავარი » 2011 » აპრილი » 24 » ჩემი სამშობლო – (ლადო ასათიანი)
22:48
ჩემი სამშობლო – (ლადო ასათიანი)

ტკბილია, როგორც დედის რძით ბალღი ტუჩშეუშრობელი,

ტკბილია, როგორც ცის ნამი, როგორც ალერსი მშობელის,

ტკბილია, როგორც ველებზე ჯეჯილის მწვანე ფაფარი,

ტკბილია, როგორც ძილისპირს ძველი ქართული ზღაპარი.


ბარში ბულბულთა ჯარია, მთაში ირემი ყვირისა,

ტკბილია, როგორც სურნელი ახლადმოხდილი ღვინისა,

ტკბილია, როგორც სურნელი ახლადგამომცხვარ პურისა,

ტკბილია, როგორც ნუგეში ბედისგან დაღუპულისა.


ტკბილია, როგორც ბეღელი, ამოვსებული თავამდი,

ტკბილია, როგორც სიმღერა და შეძახილი თამადის:

— ჩემი სამშობლო, ზურმუხტის და მარგალიტის სადარი,

ამრიგად აყვავებული, მხარე მეორე სად არი?


ჩემი სამშობლო ქვეყანა რა ლამაზია, რა კარგი,

ცა-ფირუზ, ხმელეთ-ზურმუხტი, ნაირფერებით ნაქარგი!

ტკბილია, როგორც რუსთველი, ტკბილია, როგორც აკაკი,

ხალხი, შრომაში გართული, ამღერებული ფანდური,

იადონების გალობა და იავნანა ქართული.


როგორც კრიალა მთის წყარო, ცადმიჭედილი ნაძვები

და იის წყალით ფერილი ლაჟვარდის ლიბრი ღაწვები,

ტკბილია, როგორც ხალხისთვის თავდადებული ლომგული,

ტკბილია, როგორც ურმული, ტკბილია, როგორც ჩონგური.


საამო არის, ვით რთველი, მწიფე მტევნების ნაჟური,

დილისკენ ხოხბის ყივილი, სიმღერა გარიჟრაჟული,

იალაღებზე ღრუბლებად მიმოფანტული ნახირი

და გაზაფხულის პირზედა ტყიდან გუგულის ძახილი.


ტკბილია, როგორც წიქვილში მთვარიან ღამის გათევა,

ტკბილია, როგორც აპრილში ტყემლების შემონათება.

ტკბილია, როგორც მტევანი, ვაზზე ასხმული შავადა,

და სიყვარული უებრო, მოსული თავისთავადა.


ხალხია ენამზიანი, გმირი და არამკვეხარა, —

დიდია ჩემი სამშობლო, ტკბილია ჩემი ქვეყანა.

ჩემი სამშობლო, ზურმუხტის და მარგალიტის სადარი,

ამრიგად აყვავებული მხარე მეორე სად არი?

1936

კატეგორია: ლექსი | ნანახია: 458 | დაამატა: Admin-Gio | რეიტინგი: 5.0/1
სულ კომენტარები: 0
სახელი *:
Email *:
კოდი *:

  Findout.Com - © 2017